2019 оны 1 дүгээр сарын дунд арав хоногийн ХААЦУ-ын тойм

                                            2019 оны 1-р сарын 2-р арав хоногийн

цаг агаарын тойм

        2019 оны 1-р сарын 21

Агаарын температур:

Энэ арав хоногт агаарын дундаж температур Идэр, Тэс, Хангайн уулархаг нутгаар 28-33 градус хүйтэн, Говь талын нутгаар 16 ... 26 градус хүйтэн, уур амьсгалын дундажтай харьцуулхад Дөрвөлжин, Нөмрөг, Баянтэс, Тосонцэнгэл, Баянхайрхан, Түдэвтэй, Тэс   уур амьсгалын дунджаас 1.2-2.5 градусаар хүйтэн, Отгон, Алдархаан, Ургамал, Цагаанхайрхан, Цагаанчулуут, Шиүүлстэй, Эрдэнэхайрхан, Яруу УАД-аас 1.3-4.6 градусаар дулаан бусад нутгаар УА-ын дундаж орчим байлаа. Өдөртөө -9 ... -23 градус хүйтэн, шөнөдөө -27 ... -42 градус, хамгийн хүйтэн нь Баянтэс, Тосонцэнгэл, Отгон -42, Цэцэн-уул, Их-уул -41, Тэлмэн, Тэс -40 градус, 30 градусаас хүйтэн хоногийн тоо 1-10 удаа байлаа.

Хөрсний температурын хувьд:

Энэ арав хоногт хөрсний дундаж температур нийт нутгаар 19 ... 34 градус хүйтэн, Өдөртөө 2 градус дулаанаас 18 градус хүйтэн,  шөнөдөө -32 ...-46  градус, хамгийн хүйтэн нь Отгон -46,  Баянтэс, Тосонцэнгэл,  Түдэвтэй -43, Цэцэн-уул, Тэс  -42, Баянхайрхан,

Тэлмэн -41,  Нөмрөг -40 градус, 40 градусаас хүйтэн хоногийн тоо 1-5 удаа байлаа.

Хур тунадас:  

Энэ арав хоногт Дөрвөлжин, Алдархаан, Сантмаргаз, Сонгино,  Тэс, Цагаанчулуут, Шилүүстэй, Ургамал сумдын нутгаар тунадас ороогүй, бусад нутгаар 0.0-0.3 мм тунадас орсон бөгөөд уур амьсгалын дунджаас бага тунадас орсон байна.

Салхи:

Энэ 10 хоногт нийт нутгаар салхины дундаж их хурд 4-12 м/с, хамгийн их нь Цагаанчулуут 12 м/с, Цагаанхайрхан,  Эрдэнэхайрхан 10 м/с, бусад нутгаар 4-9 м/с салхитай байлаа.

Цасан бүрхүүл: Нийт сумдын нутгаар 1-12 см цасан бүрхүүлтэй, цасны дундаж нягт 0.10-0.23 г/см³ байна.

Хөдөө аж ахуйн үйлдвэрлэлд:

Ихэнх сумдын нутгаар малчид отор нүүдэл хийх, малд нэмэгдэл тэжээл өгөх ажил үргэлжиж байна.

                                                                     Тойм бичсэн: ХААЦУ-ын ахлах техникч М.Өсөхбаяр